مهرجان السعادة فى تايلاند
فى تايلاند ارتقى مفهوم بوذى يعرف بينهم بأسم
"سانوك" ومعناه سعى الفرد انه يجلب لنفسه السعادة والاشباع النفسي فى كل
مايمارسه فى حياته.
المفهوم ده بتسعى البلاد لتعميمه لدى الشعب
ليصبح اسلوب حياة يمكن ان يتعلم منه العالم ازاى يعيش!
كلمة "سانوك" مش بس مضمونها المتعة
والمرح واللهو بأعتباره طيش ومتعة بدون الالتفات للعواقب ، ولكن المفهوم بيعبر عن
المرح والمتعة بوصفها نشاطا ذو قيمة من حيث جوهره.
لو عايز تشوف المفهوم ده مجسد على ارض الواقع
زور بانكوك العاصمة التايلاندية وانزل شوارعها اللى هتلاقيها مليانة بالحياة
وتفاصيلها ، وطول فترة تنزهك فى الشوارع هتسمع معاكسة لطيفة او كلمة حلوة ده غير
انك لو زرت احد المؤسسات الحكومية هناك هتحس ان الموظفين بيلعبوا مش بيشتغلوا ومع
ذلك الشغل عندهم مش بيعطل ابدا ولا بيقف وكل الاشغال بيتم انجازها! تايلاند كمان
بيقام فيها مهرجان سنوى فى بداية العام_ويعتبر العطلة الاهم بالنسبة لسكانها_
معروف بأسم "سونكران" ومعناه اكبر حرب بالمياه فى العالم ، لو خاطرت
ونزلت فى الشارع فى اليوم ده فأنت أكيد هتتغرق بالكامل ، لأن حتى الاطفال بيمشوا
فى الشوارع وهما مسلحين بمسدسات المياه !
التايلانديين ببساطة مقتنعين ان مفيش حاجة
اسمها وقت عمل ووقت اللهو واللعب ولكن يجب ان توزع اوقات اللهو والمرح والسعادة
على مدار اليوم ، حتى لو تلخص الامر بأبتسامتك فى وجوه زملائك فى العمل وده مش
غريب على بلد بيطلق عليها "ارض الابتسامات"
وطبيعى جدا على اى فرد من الشعب التايلاندى
ان يترك وظيفته ذات العائد المادى الكبير لمجرد انه مش مبسوط ومش سعيد وهو
بيمارسها !
التايلانديين شعب يسعى للسعادة والاسترخاء كـ
قيمة بتحقق بيئة عمل وانتاج متجانسة ومتعاونة مش بس مجرد لعب ومرح.
ليست هناك تعليقات:
إرسال تعليق