15 خطوة
هتساعدك فى المعركة اليومية اثناء وضع أطفالك فى السرير
كل يوم وقت ميعاد النوم تبدء معركة "الصبر" بين الام واطفالها
لما يقرب ميعاد النوم ، علشان كده قررنا نساعدك بمجموعة من الخطوات علشان تقدرى
تنتصرى فى المعركة دى.
1. أعلنى ان ميعاد النوم قرب خلااص
2. استنى طفلك لما يخلص عياط
3. فهميه ان ميعاد النوم مش عقوبة ومش بدعة ، ولازم تتكرر كل يوم !
4. واسي طفلك وطيبى بخاطره وامشي معاه لحد الحمام.
5. ساعديه يغسل سنانه واشرحيله فوائد تنظيفها.. وطيبى بخاطره تانى!
6. ضعى طفلك فى سريره وقولي له تصبح على خير وقبليه.
7. هيفاجأك بأنه عطشان ،وساعتها هتلحقيه عالطول بكوباية مياه ، وبعدها هيحتاج
يروح الحمام.. هتاخديه بمنتهى الهدوء وتروحى معاه الحمام.
8. ضعى طفلك مرة تانية فى السرير وقبليه واحضنيه.
9. أطفى النور وانسحبي من الغرفة واحدة واحدة.
10.
هيفاجأك تانى بأنه جعان! هتردى بأن وقت الاكل
انتهى خلاص وان ده ميعاد النوم.
11.
واسي طفلك وطبطبى عليه مرة كمان ومفيش مانع
من حضن زيادة
12.
هيسألك 3 اسئلة كونية بحتة ، جاوبى عليهم
كلهم بمنتهى البرود والهدوء.
13.
قولى له تصبح على خير تانى وقبليه
14.
هيطلب منك تطبطبي عليه ، قومى بذلك لحد ما
تحسي ان ذراعك تخدر وبدأتى تفقدى الاحساس بيه!
15.
انسحبي من الغرفة بهدوء وثبات وادعى ربنا انه
ينام فعلا ومينزلش من سريره تانى !
ليست هناك تعليقات:
إرسال تعليق