السنة دى ..عمرة المولد النبوى ليها احساس تانى

السنة دى ..عمرة المولد النبوى ليها احساس تانى

موسم عمرة المولد النبوى بدأ، والكلام الرسمى انه بالفعل هناك حوالى 75 الف مصرى تقدموا بطلبات لعمرة المولد النبوي،وان الاقبال بيزيد يوم بعد يوم.

"هى دي" نزلت ورصدت برامج بعض شركات السياحة الدينية واسعارها..

*مصطفى السيد المسئول عن التسويق والاشراف على الرحلات لمجموعة مراحب السياحية بدأ كلامه على أسعار برامج العمرة وقال، أسعار الرحالت بتختلف حسب البرامج، و الشركة بتقدم 7 برامج مختلفة يقدر المعتمر يختار المناسب منها، سواء قرب الإقامة من الحرم وخدمات الفنادق، أو وسائل الانتقال والقرب من الاسواق وخلافه، والشركة بتعتمد فى رحلاتها على الطيران، سواء خطوط مصر للطيران او الخطوط السعودية.

وأضاف مصطفى جودة البرامج والخدمات اللى بنقدمها هى اللّى بتدفع العميل للتعامل معانا أكثر من مرة، احنا بنقدم خدمة كاملة ونتولى مسئولية

المعتمر منذ وجوده معنا فى منطقة التجمع بمطار القاهرة، وحتى رحلة العودة مرة أخرى حيث نفترق من مطار القاهرة ايضا.

*أما محمد مصطفى مدير احد فروع شركة المحمود للسياحة، فبيقول الشركة بتشتغل فى مجال السياحة الدينية من سنة 1990 ، واحنا متخصصين

فى السياحة الدينية أكثر من أى سياحة تانية، وشعارنا   "السفر متعة تكتمل معنا"، فالسفر بشكل عام أحدى اشكال الترفيه ع .ن النفس والمتعة ومعرفة

مناطق واشياء جديدة، علشان كده احنا محافظين على الشعار ده حتى فى رحلات الحج والعمرة .

دايما بنحاول اننا نخلق جو أكثر راحة للعميل فى السفر والانتقال والصحبة والاشراف والتوجيه خلال الرحلة، وده بيساعد على خلق مصداقية بينا وبين عملائنا، واللى اترتبطوا معانا من بداية الشركة وحتى الأن . "احنا مش بنقدم منتج احنا بنقدم خدمة"، ودايما بيكون تفكيرنا ازاى نقدم الخدمة دى بصورة افضل بحيث نرضى العميل، حتى داخل فروعنا مفيش عندنا ما يسمى بال Sales عندنا خدمة عملاء، بمعنى اننا بنهتم بالعميل من لحظة

دخوله للشركة وحتى يتعاقد ثم اثناء الرحلة بالكامل وحتى عودته الى القاهرة مرة أخرى. البرامج لدينا متنوعة لتناسب كافة الاذاوق والانماط والثقافات والدخول ايضاً، حتى على مستوى البرنامج ال . 5نجوم نحاول ان نقدم فيه كافة الخدمات الممكنة بسعر مناسب بدون مبالغة .

*فى حين قال عبد الحميد راضى رئيس مجلس ادارة شركة سان جيوفانى للسياحة، بنقدم برامج 5 نجوم فقط، وبنتعامل بنظام من البيت للبيت،

احنا بنتولى العميل من بداية تعاقده معانا، حيث نرسل له مندوب يأخد مقدم الحجز منه وجواز السفر ونبدأ فى الاجراءات الخاصة بيه بداية من التأشيرات ومصاريف الانتقالات،ويتابع معاه مشرف الرحلة من لحظة السفر وحتى عودته الى القاهرة مرة أخرى .

وقال كمان، احنا بنترك للعميل حرية اختيار البرنامج اللى يناسبه بما يتناسب مع ظروفه المادية، وبنحاول من خلال البرنامج اللى بيختاره اننا نوفرله كل ما يحتاجه خلال رحلته.

*آخر حاجة لازم نقولها، الشروط العامة

لأداء العمرة:

1)_ وجود محرم للنساء اقل من 45 سنة وإحضار موافقة موثقة فى الشهر العقارى من الأب أو الزوج فى حاله السفر مع محرم  آخر غيرهما

2)_ جواز سفر مميكن )الوواز الجديد( وصالح لمده 6 شهور من تاريخ السفر.

3)_  عدد 3 صور شخصية خلفية بيضاء + شهادة صحية مع إيصال الدفع مختوم

4)_ للمعتمر اللى فى سن التجنيد – هام جدا - اصطحاب تصريح السفر صالح حتى تاريخ السفر